" Tərlan Əhmədovu öz üsullarımla cəzalandıracağam " - Ramin Musayev
20:54 17 Fevral 2018
Peşəkar Futbol Liqasının prezidenti Ramin Musayev "Neftçi"nin baş məşqçisi Tərlan Əhmədovla münasibətlərinə dair yeni açıqlama verib.
Femida.az xəbər verir ki, o, qol.az-a müsahibəsində bununla bağlı deyib: "Tərlanın mənə qarşı bir səhvi olmayıb. Onun özünə qarşı səhvi olub. Etdiyi səhv ona yaraşmır. Buna görə ondan incimişəm. Etdiyi səhv həm şəxsi, həm futbol fəaliyyəti ilə bağlıdır. İnsan işdə səhvə yol verə bilər. Ancaq həyatda gərək özünə qarşı səhv etməyəsən. Bunu onun böyük qardaşı kimi deməyə haqqım var".
R.Musayev bildirib ki, yaxın vaxtlarda T.Əhmədovla görüşəcək: "Onu öz üsullarımla cəzalandıracağam. Amma ona zəng etməməyim, bir çox zənginə cavab verməməyim də Tərlan üçün bir cəzadır. Ona ismarışımı çatdırmışam. Tərlana böyük dərs oldu. O, gözəl məşqçidir. Onu pis insan kimi də tanımıram. Çünki mən Tərlanla dostluq etməmişəm. Nə vaxtsa birgə çörək yediyim yadıma gəlmir. Onunla ancaq çay içmişik. Amma "Neftçi" və AZAL-da çalışanda gördüm ki, bacarığı var. Mən də ona dəstək olmağı özümə borc bildim. Tərlanın "Neftçi"yə baş məşqçi vəzifəsinə gətirilməsinə peşman deyiləm. O, "Neftçi"də pis nailiyyətlər göstərmir".
Qeyd edək ki, Ramin Musayev Qol.az saytına Tərlan Əhmədovla bağlı da fikirlər səsləndirdiyi geniş müsahibə verib. Müsahibə ilə gələn həftənin əvvəlləri tanış ola bilərsiniz.
Femida.az
Oxunub: 967
Oxşar xəbərlər
- " Münaqişə zamanı hökumətiniz Azərbaycana dəstəyini ifadə etdi " - Prezidentdən səfirə
- " Ermənistan yeni hərbi cinayətlər üçün zəmin hazırlayır " - Hikmət Hacıyev
- "Ermənistanın humanitar atəşkəsin arxasında gizlənərək mülki əhalini atəşə tutur"
- " Ermənistan münaqişənin sülh yolu ilə həllində maraqlı deyildi " - Hikmət Hacıyev
- "Qaçqınkom"a 42,5 milyon manat ayrıldı
- " ABAD "da yeni kadr təyinatı olub
- " Sosial sahədə aparılan islahatlar bu il davam etdirilir " - Prezident
- " Bağdadinin öldürülməsi terrorizmlə mübarizədə dönüş nöqtəsidir " - Ərdoğan
- " Türkiyə daim bizim yanımızdadır " - Novruz Məmmədov
- " Bakı dünyanın ən təhlükəsiz şəhərləri sırasındadır " - Nazirlik